هو كتاب من تأليف الكاتب الأمريكي روبرت كيوساكي بالاشتراك مع شارون إل.ليتشر. وموضوعه هو التأكيد على أهمية الاستقلال المالي وبناء الثروة عن طريق شرح العديد من الوسائل كالإستثمار وامتلاك الأصول والإستثمار بها والبدء في مشروع تجاري بالإضافة إلى كيفية تنمية الذكاء المالي لتحسين الآداء المالي والتجاري. كتب روبرت الكتاب على هيئة حكايات رمزية قائمة على أحداث حدثت بالفعل في حياته منذ الطفولة. حقق الكتاب انتشاراً كبيراً على المستوى العالمي وترجم لمعظم لغات العالم ومنها العربية. Wikipedia
ينقسم الكتاب إلى 10 فصول تدور حول 6 دروس ينبغي على كلّ فرد أن يتعلمها حول المال، اكتسابه والتعامل معه، وهي دروس مُستفادة من الخبرة النظرية والعملية لوالد كيوساكي الغني (المعنوي) صديق والده الحقيقي وخبرة روبرت نفسه التي راكمها في حياته لتأسيس ثروته الشخصيّة. في حين لم يتلقَّ من والده الحقيقي سوى نصائح تحثُّه على التعلم والتعلم فقط للحصول على وظيفة بالكاد تسد رمق مصروفاته وأساسيات حياته.
صراحةََ دا افضل كتاب قرأته في حياتي. علمني ازاي افكر صح عن الفلوس وازاي اجيب فلوس من اللاشئ وازاي استثمر فلوسي في اني اخلي الفلوس دي تجيب فلوس تانية. ودي بالمناسبة الأغنياء بيعملوها!
تعالوا نشوف أهم النقط الي بيتكلم عليها الكتاب. انا عمار محمد ودي مدونة مُلخِص كتُب.
الفصل الأول : الأب الغني الأب الفقير
اتكلم روبرت في الفصل دا عن طفولته و وصف نوعين من الأباء الغني والفقير.
حدوتة :
كان لروبرت صاحب غني جداً اسمه مايك ودا عيلته غنية جداً فكان ابوه بينصحه انه ينمي الثروة دي بينما روبرت ابوه استاذ جامعي بسيط وكان بينصح ابنه ربورت دايماً انه يدرس علشان يحصل علي وظيفة كويسة براتب كويس يحميه من الفقر!
الأستنتاج :
لو لاحظت فرق عقلية الغني والفقير هتلاقي فرق كبير جدا بينهم. فنستنتج ان العقلية ليها دور مهم وكبير هنا!
الأستنتاج :
الفصل التاني : الأغنياء لا يعملون من أجل المال
اتكلم روبرت في الفصل دا عن أهمية المخاطرة والتضحية علشان تعمل ثروة كبيرة. علشان اغلب الأباء بينصحوا أبنائهم انهم يحصلوا علي وظيفة آمنة بدخل ثابت ودا الخيار الآمن ليهم وفي المقابل بيضيعوا فرص كتيرة ودا بيمنع وجود اي ثروة.
حدوتة :
عًلم ابو روبرت ابنه ان الفقراء وذوي الطبقة المتوسطة دايما خايفين من المخاطرة وانهم جشعين خوافين في نفس الوقت. وقال : " أن الفرص تأتي وتذهب في الحياة، والأغنياء يتعرفون عليها ويقتنصونها، لكن الفقراء يتجاهلون الفرص لأنهم مشغولون للغاية في البحث عن المال والأمان. "
الأستنتاج :
مش وحش ابدأ انك تخاطر وتستمتع بالمخاطرة. أكيد هيقابلك عقبات كتير ولكن خليها محطات انك تتعلم منها. المخاطرة للأغنياء.
الفصل التالت : محو الأمية المالية
اتكلم روبرت في الفصل دا عن أهمية التثقيف المالي وازاي تميز بين الممتلكات والأصول وقال : من غير محو الأمية المالية حتي لو كنت غني هتخسر كل فلوسك بسبب قرارات غبية. فمن الأفضل انك تتطور ثقافتك ومعرفتك بالمال اكتر.
معلومة :
الفكرة مش انت بتكسب كام ولكن كام من الفلوس الي تقدر تتدخرها علشان تبقا غني!
الأستنتاج :
فرق بين الممتلكات والمسؤوليات علشان الاغنياء بيستمروا في غناهم عشان بيشتروا الممتلكات والاصول بيحتفظوا بإلتزماتهم عند الحد الأدني عكس الفقراء الي بيراكموا التزماتهم.
الفصل الرابع : اعمل مشروعك الخاص
اتكلم روبرت في الفصل دا عن أهمية ان يكون عندك مشروع خاص بيك علشان تبقا حر مالياً و تكون رئيسه ومالكه و انك مش تهتم بشؤون صاحب عمل تاني وتنميها بمقابل ولا بيزيد ولا بيقل.
وقال ان الأصول هي اي حاجه تقدر تجيب فلوس زي : الأسهم , العقارات المدرة للدخل , السندات , العوائد وغيرهم.
الأستنتاج :
بناء مشروعك الخاص وانك تصب تركيزك فيه دا علي المدة البعيد واحد من اهم اسباب الغنيََ.
الفصل الخامس : تاريخ الضرائب وقوة الشركات
اتكلم روبرت عن تلاعب الشركات بالفقراء او الموظفين عكس الاغنياء الي بيخلوا الشركات دي تجيبلهم فلوس عن طريق انهم بيستثمروا فيها.
الأستنتاج :
الاستثمار واحد من الطرق الي بتدِر عليك فلوس ممكن توصلك للثراء. فركز علي الاستثمار لأنه مهم!
الفصل السادس : الغني يجذب المال
اتكلم روبرت عن ان كل شخص بيولد بموهبة ولكن بتموت بسبب الخوف وعدم الثقة بالنفس. وقال : " لا يشترط ان يكون الأذكياء هم يتقدمون ولكن الشجعان والمغامرون هم من يتفوقون " واوضح ان استغلال الفرص واحدة من صفات الأغنياء ولا يخشون المخاطرة.
الأستنتاج :
خليك واثق من نفسك وخليك قرصان بحرك وامسك بالفرص ولا تضيعها. سأريكم فيديو طريف عن تضييع الفرص للملياردير بيل جيتس والمذيعه :
الفصل السابع : أعمل لتتعلم ولا تعمل للمال
اتكلم روبرت عن اهمية المهارات للفرد لتطوير النجاح المالي ومن المهارات المهمة هي : البيع والتسويق ومهارة التواصل التي لا غني عنها في الحياة قبل العمل.
الأستنتاج :
المهارت من اهم الحاجات للنجاح المالي او اي نجاح اخر ..
الفصل الثامن : التغلب علي العقبات
اتكلم روبرت عن 5 شخصيات بيعيقوا حركة اي شخص وهم : الخوف, السخرية, العادات السيئة, الكسل والغرور. طبيعي ان يكون عندك شعور الخوف ولكن الفكرة ازاي بتتعامل معاه
وأوضح انك تركز علي المكافأة وليس المشكلة حيث قال : " يريد معظم الناس أن يصبحوا أثرياء، وعندما تقترح عليهم شراء العقارات، فإن رد فعلهم الأولي هو “لكنني لا أريد إصلاح دورات المياه”، وهذا أمر مثير للسخرية. "
الفصل التاسع : البدء في العمل
اتكلم روبرت عن انك لو عاوز تبقا غني لازم تدور علي سبب اكبر من الي موجود علشان يحفزك علي الأستمرار وتغذي عقلك علي التعلم المستمر وينصح كمان اختيار اصدقائك بعناية وتختار ناس بتتكلم عن المال لأن في دروس حلوة منهم.
وقال : " إنه يجب على المرء أن يتعلم أن يدفع مرتباً لنفسه أولاً، حتى لو كان في ضائقة مالية. "
الفصل العاشر والأخير : هل تريد المزيد؟
أوضح روبرت ان يتوقف المرء عن فعل الأشياء الغير مفيدة ولم تعد قابلة للحياة وانه يشجع الناس علي البحث عن أفكار وتجارب جديدة والتعلم من الناجحين في مجالك واخذ نصائح منهم والذهاب إلي ندوات والتعلم المستمر.
كلما تعلمت أكثر
يمكنك كسب المزيد
شكراً لقرائتكم ملخص كتاب الأب الغني و الأب الفقير عجبكم مش كدا؟😅
شاركنا رأيك بتعليق 🤍
إرسال تعليق
0 تعليقات